పసివాడి ప్రాణం మూవీ రివ్యూ!!
పసివాడి ప్రాణం మూవీ రివ్యూ!!
న‌టీన‌ట‌లు : అల్లు వంశీ, ఇతి ఆచార్య, సుజిత, యోగి కత్రి, కుమార్ సాయి & రుబీనా
దర్శకుడు: N.S.మూర్తి
సినిమాటోగ్రఫీ: కె. బుజ్జి
సంగీతం : జి జె కార్తికేయన్
నిర్మాణం: ధనశ్రీ ఆర్ట్స్
పాట‌లు, టీజ‌ర్, ట్రైల‌ర్, టైటిల్ తో ప్రేక్ష‌కుల్లో క్యూరియాసిటీ పెంచిన చిత్రం `పసివాడి ప్రాణం`. మెగాస్టార్ చిరంజీవి టైటిల్ తో తెర‌కెక్కిన ఈ చిత్రం ఈ నెల 16న గ్రాండ్ గా థియేట‌ర్స్ లో విడుద‌లైంది. మ‌రి ప్రేక్షకులను ఏ మేర‌కు ఆక‌ట్టుకుంటుందో తెలుసుకునే ప్రయత్నం చేద్దాం….
స్టోరి విష‌యానికొస్తే…
రవిరాజ్ (యోగి కత్రి) అతని భార్య పూర్ణ (సుజిత) మృతదేహాన్ని పెరట్లో పాతిపెడ‌తాడు. ఇంట్లో దెయ్యం ఉంద‌ని భ‌య‌ప‌డిపోయి రవిరాజ్ ఇంటిని వ‌దిలి వెళ్లిపోతాడు. కాంట్రాక్ట్ ఏజెంట్ అమల (ఇతి ఆచార్య)తో చక్రి (అల్లు వంశీ), అతని చిల్లర గ్యాంగ్ దొంగలు నాలుగు రాత్రులు హాంటెడ్ హౌస్‌లో ఉండటానికి రప్పిస్తారు. వారు ఇంట్లోకి ప్రవేశించిన తర్వాత, పనులు చాలా వేగంగా చేయ‌డం ప్రారంభిస్తారు. ముఖ్యంగా బుజ్జి(కుమార్ సాయి) దెయ్యాన్ని లక్ష్యంగా చేసుకుంటారు. రాత్రులు గడిచేకొద్దీ, అమల మిస్సైన వజ్రాల కోసం అన్వేషణలో ఉంటుంది. గ్యాంగ్ దెయ్యాల కదలికలను గ‌మ‌నిస్తుంది, భయపడుతుంది. దెయ్యాన్ని కనుగొనే ప్రయత్నం చేస్తారు. చక్రి అండ్ గ్యాంగ్ ను ఎందుకు దెయ్యం భ‌య‌పెడుతుందో తెలుసుకుంటారు. మిస్సైన వ‌జ్రాల‌ను కనుగొనడంలో చక్రి విజయం సాధించి, దెయ్యం కోరిక తీరుస్తాడా ? లేదా అనేది బిగ్ స్క్రీన్‌పై చూడాల్సిందే.
అనాల‌సిస్ః
హ‌ర‌ర్ కామెడీ సినిమాలెన్ని వ‌చ్చినా కూడా ఈ సినిమాను ఫ్రెష్ కాన్సెప్ట్ తో మంచి ఫీల్‌తో తెర‌కెక్కించాడు డైరెక్ట‌ర్ N.S.మూర్తి. ఉత్కంఠ‌త, కామెడీతో కొన‌సాగే క‌థ‌నం ఫ్రెష్‌గా అనిపిస్తుంది. బుజ్జిగా కుమార్ సాయి కామెడీకి చక్కగా సరిపోయాడు. దెయ్యాల కదలికలు, వారి మ‌ధ్య వ‌చ్చే కామెడీ సినిమాపై ఆస‌క్తిపెంచుతుంది. ట్విస్ట్ సినిమా పై మ‌రింతా ఉత్కంఠ‌త పెంచుతుంది. చివరి రాత్రి అక్క‌డే స్టే చేసిన గ్యాంగ్ దెయ్యాన్ని కనుగొనాలని నిశ్చయించుకున్న , ఇంటిలోని పెద్ద సీక్రెట్‌ను ప‌ట్ట‌డంలో పొరపాట్లు చేస్తుంది. ఇంట‌ర్ వెల్ లో వ‌చ్చే ఈ అనూహ్య పరిణామం ప్రేక్షకులను ఇంటర్వెల్‌లో సీటుకు అతుక్కు పోయేలా చేస్తుంది.
ఫైన‌ల్ గా చెప్పాలంటేః
విరామం తర్వాత తల్లి- బిడ్డ బంధంతో క‌థ కొనసాగుతుంది. ఇందులో 2D శిశువు పాత్ర చాలా ఆకర్షణీయంగా ఉంటుంది. నటి పూర్ణగా సుజిత ఫ్లాష్ బ్యాక్ ముగిసే సమయానికి, ఆమె తన పాత్రతో అంద‌ర్నీ ఆక‌ట్టుకుంటుంది. ఈ సినిమా 129 నిమిషాల నిడివి ఉంది. ఫస్ట్ హాఫ్‌లో కొన్ని సన్నివేశాలు, ఆకట్టుకునే సంభాషణలు ప్రేక్షకుల దృష్టిని ఆకర్షిస్తాయి. ప్రేక్షకులను సీట్లకు అతుక్కుపోయేలా చేస్తాయి. క్లైమాక్స్ సమీపిస్తున్న కొద్దీ మ‌రింతా ఉత్కంఠ పెరుగుతుంది. చాలా ఆసక్తికరమైన ట్విస్ట్‌తో ముగింపు ఉంటుంది. సినిమాల్లో చిన్నచిన్న లోపాలున్నప్పటికీ, పసివాడి ప్రాణం కొత్త‌గా, క్రియేటివిటీగా ఉంది. సినిమా ప్రియులు చూసి ఎంజాయ్ చేయాల్సిన మ‌రో సినిమా ఇది.
ప్ల‌స్ పాయింట్స్
–స్టోరి, స్క్రీన్ ప్లే
– సినిమాటోగ్రఫీ
–మ్యూజిక్
ఇంట‌ర్ వెల్ బ్యాంగ్
మైన‌స్ పాయింట్స్ః
మొద‌టి భాగంలో ల్యాగ్ అనే ఫీలింగ్
ఎడిటింగ్
అక్క‌డ‌క్క‌డా రొటీన్ సీన్స్
రేటింగ్
3.25 / 5
