స్వ మూవీ రివ్యూ! 3.25/5
స్వ మూవీ రివ్యూ!
నటీనటులు : మహేష్ యడ్లపల్లి, స్వాతి, యశ్వంత్ పెండ్యాల, సిద్దార్థ్ గొల్లపూడి, మానిక్ రెడ్డి తదితరులు దర్శకత్వం: మను పివి
నిర్మాత : సురేష్
సంగీతం : కరణం శ్రీ రాఘవేంద్ర
నటీనటులు : మహేష్ యడ్లపల్లి, స్వాతి, యశ్వంత్ పెండ్యాల, సిద్దార్థ్ గొల్లపూడి, మానిక్ రెడ్డి తదితరులు
విడుదల : ఫిబ్రవరి 4-2022
రేటింగ్ : 3.25 / 5
జీ.ఎం సురేష్ నిర్మాత గా జి.ఎం.ఎస్ గాలరీ ఫిలింస్ ప‌తాకంపై మను పి వి దర్శకత్వం లో మహేష్ యడ్లపల్లి, స్వాతి, యశ్వంత్ పెండ్యాల, సిద్దార్థ్ గొల్లపూడి, మానిక్ రెడ్డి ముఖ్య తారాగణం గా రూపొందిన చిత్రం స్వ .ఈ చిత్రం ఫిబ్రవరి 4 న గ్రాండ్ గా విడుదలైంది. ఈ చిత్రంలోని పాట‌లు, టీజ‌ర్ , ట్రైలర్ సినిమా పై విప‌రీత‌మైన క్రేజ్ ని ఏర్ప‌రిచాయి. ప్ర‌స్తుతం థియేట‌ర్స్ లోసందడి చేస్తోన్న ఈ చిత్రం ఎలా ఉందో రివ్యూ తెలుసుకుందాం.
స్టోరి విష‌యానికొస్తే..
ఆర్కిటెక్ట్ అభి చుట్టూ తిరిగే అందమైన ఫాంట‌సీ కథ . అభి (మహేష్ యడ్లపల్లి ) ఒక ఆర్కిటెక్ట్, అతను తన పనిలో అత్యుత్తమంగా ఉండే వ్యక్తి. అభి నాయనమ్మ మరణంతో సినిమా కథ సాగుతుంది. మృత దేహం దగ్గర దుఃఖిస్తున్న బంధువుల మధ్య, అభి ఆ వృద్ధురాలిని సజీవంగా చూడటం మరియు ఆమె తన దినచర్యలో పాల్గొనడం చూస్తాడు. అయితే అది తనతోనే జరుగుతోందని అర్థం చేసుకుని తన తెలివిని అనుమానించడం మొదలుపెడతాడు. అయితే అతను చనిపోయిన తన ప్రేమికురాలిని (నటి స్వాతి భీమిరెడ్డి ) కూడా చూడటం మరియు మాట్లాడటం ప్రారంభించినప్పుడు కథ వేరే మలుపు తిరుగుతుంది. అభి మానసిక రుగ్మతతో బాధపడుతున్నాడా లేక షాకింగ్ పరిస్థితిలో చిక్కుకున్నాడా ? అనేది తెలియాలంటే సినిమా చూడాల్సిందే.
ఆర్టిస్ట్స్ ప‌ర్ఫార్మెన్స్ః
త‌న‌కిది ఫ‌స్ట్ ఫిలిం అయినా మహేష్ యడ్లపల్లి యాక్టింగ్ ప‌రంగా పాస్ మార్కులు కొట్టేసాడు. ఎంతో స‌హ‌జంగా తన పాత్రలో న‌టించాడు అన‌డం కంటే జీవించాడు అని చెప్ప‌వ‌చ్చు. ఇక హీరోయిన్ స్వాతి భీమిరెడ్డి కూడా ప్రియురాలు పాత్రలో మెప్పించింది. ముఖ్యంగా అతనిలో ఏర్పడ్డ గందరగోళం నుండి మార్గనిర్దేశం చేసే కథానాయికగా మంచి నటనను ప్రదర్శించింది. మరో నటుడు యశ్వంత్ పెండ్యాల చిన్న పాత్రైనా కానీ ముఖ్యమైన పాత్రలో తన ప్ర‌తిభ‌ని చాటుకున్నాడు. సపోర్టింగ్ క్యాస్ట్‌లలో మాణిక్ రెడ్డి మరియు గొల్లపూడి మెప్పించే నటనతో ప్రత్యేకంగా నిలిచారు. మిగ‌తా క్యార‌క్ట‌ర్స్ అన్నీ త‌మ త‌మ పాత్ర‌ల‌కు ప్రాణం పోశారు.
అనాల‌సిస్ లోకి వెళితేః
ప్ర‌స్తుతం యంగ్ డైర‌క్ట‌ర్స్ కొత్త క‌థ‌లతో వ‌స్తూ మెప్పిస్తున్నారు. ఆ కోవ‌లోనే మరో దర్శకుడు మను ఈ సైకలాజికల్ థ్రిల్లర్‌ని హారర్ మరియు రొమాన్స్ ఎలిమెంట్స్ ద్వారా ఓ కొత్త కథను చెప్పే ప్రయత్నం చేసాడు. కొత్త ఆర్టిస్ట్స్ నుంచి మంచి న‌ట‌న రాబ‌ట్టుకున్నాడు. సైకలాజికల్ థ్రిల్లర్‌గా సాగే ఈ సినిమా, ప్రేక్షకులను చివరి వరకు ఎంగేజ్‌ చేసేలా ట్విస్ట్‌లు మరియు మలుపులతో ఉంటుంది. గత రెండు దశాబ్దాలలో, తెలుగు సినిమా ప్రేక్షకులు అనేక రకాల విజయవంతమైన సైకలాజికల్ థ్రిల్లర్‌లు మరియు హారర్-కామెడీలను చూసి ఉంటారు. అయితే సినిమాలో కామెడీకి పూర్తిగా దూరంగా ఉండాలని మను పివి ఎంచుకున్న కథ స్వ. ఈ కథను వివరించడానికి భయానక మరియు శృంగార అంశాల యొక్క సమాన అంశాలను ఉపయోగిస్తాడు. హారర్ కథాంశంతో తెరకెక్కిన ఈ సినిమా రొమాంటిక్ డ్రామాగా మారి థ్రిల్లర్‌గా ముగుస్తుంది. ఈ పరివర్తనలను దర్శకుడు ఏ దశలోనూ తడబడకుండా హ్యాండిల్ చేయడంతో సక్సెస్ అయ్యాడు. సైకలాజికల్ థ్రిల్లర్‌లను చెప్పడంలో మను పివి అదరగొట్టాడు. అభి మరియు స్వాతి మధ్య అందమైన ప్రేమకథను చూపించడంలో అతను చాలా సమయాన్ని వెచ్చిస్తాడు. సినిమాలో హారర్ మరియు రొమాంటిక్ ఎలిమెంట్స్ రెండింటినీ చాలా ఎఫెక్టివ్ గా ఎగ్జిక్యూట్ చేసి తన టాలెంట్ ఏంటో ప్రూవ్ చేసుకున్నాడు దర్శకుడు.
ఫైన‌ల్ గాః
నిజానికి ఈటైమ్ లో ఓ చిన్న సినిమాను థియేటర్లలోకి తీసుకురావడం అంటే చాలా రిస్క్ నే. కానీ నిర్మాత జీ.ఎం సురేష్ ఆ రిస్క్ కు సిద్దపడ్డారు. ఈ చిత్రానికి సంగీతం కరణం శ్రీ రాఘవేంద్ర సమకూర్చారు. మంచి మ్యూజిక్ తో పాటు ఆర్ ఆర్ కూడా అదరగొట్టాడు. ఎడిటింగ్, ఫోటోగ్రఫి కూడా బాగుంది. అయితే సినిమా మధ్యలో కథనం నెమ్మదిస్తుంది. ద్వితీయార్థంలో పుంజుకుంటుంది అక్కడివి వ రకు బాగానే ఉంది. ఈ చిత్రం తక్కువ బడ్జెట్‌తో చేయడం వల్ల కొన్ని సీన్స్ లో నిర్మాణ నాణ్యత తక్కువగా ఉందని స్పష్టంగా తెలుస్తుంది. ఫోటోగ్రఫీ నాణ్యత కూడా అస్థిరంగా కనిపిస్తుంది, ముఖ్యంగా అవుట్‌డోర్‌లో. సహాయక నటీనటుల్లో కొందరు తేలిపోయారు. ఇన్ని లోటుపాట్లు ఉన్నప్పటికీ, ప్రేక్షకుల ఆసక్తిని చివరి వరకు కొనసాగించడంలో దర్శకుడు సినిమాను బాగా తీసుకెళ్లాడు. పరిమిత బడ్జెట్‌లో వాణిజ్యపరంగా ఆకర్షణీయమైన చిత్రాన్ని రూపొందించడంలో తారాగణం & సిబ్బంది పడ్డ కష్టం తెలుస్తుంది. భిన్నమైన సినిమాలు అంటే ఆసక్తి పడేవాళ్ళకు మంచి సినిమా స్వ . సో డోంట్ మిస్ దిస్ మూవీ గో అండ్ వాచ్.
సూటిగా చెప్పాలంటేః అంద‌రూ స్వాగ‌తించేలా `స్వ`
