రాజమండ్రి శ్యామల థియేటర్లో “అరణ్య”ప్రీ రిలీజ్ ఈవెంట్ !!
రాజమండ్రి శ్యామల థియేటర్లో “అరణ్య”ప్రీ రిలీజ్ ఈవెంట్ !!
ఈరోస్ ఇంటర్నేషనల్ పతాకంపై దగ్గుబాటి రానా హీరోగా నటించిన “అరణ్య”చిత్రం ప్రీ రిలీజ్ ఈవెంట్ ఈనెల 19 న రాజమండ్రి శ్యామల థియేటర్లో జరిగింది. ఈ కార్యక్రమానికి ముఖ్య అతిథులుగా ఫారెస్ట్ అకాడమి డైరెక్టర్ మూర్తి, మాజీ ఎమ్మెల్యే రౌతు సూర్య ప్రకాశ రావు పాల్గొన్నారు. సురేష్ మూవీస్ (రాజమండ్రి) మేనేజర్ పి. రమేష్ స్వాగతం పలుకుతూ మార్చి 26న ఈ చిత్రం విడుదల అవుతుందన్నారు. ఈ సందర్భంగా ఫారెస్ట్ అకాడమీ డైరెక్టర్ మూర్తి మాట్లాడుతూ.. ఈ చిత్రం ద్వారా అడవుల సంరక్షణ, తద్వారా వన్యప్రాణుల ను రక్షించడం తెలియజేసే ప్రయత్నం శుభ పరిణామంగా పేర్కొన్నారు. రౌతు సూర్యప్రకాశరావు మాట్లాడుతూ అరణ్య సినిమా ద్వారా “రానా”సమాజానికి మంచి సందేశాన్ని అందించడం అభినందనీయం అన్నారు. ఈ కార్యక్రమంలో అసిస్టెంట్ మేనేజర్ సత్య రంగయ్య, శ్యామల థియేటర్ మేనేజర్ చిట్టి బాబు, రానా ఫాన్స్ జిల్లా అధ్యక్షులు బూర వీర వెంకట హనుమంతు, రాష్ట్ర కార్యదర్శి కొరిమెల్ల రాజశేఖర్ మరియు రానా అభిమానులు పెద్ద సంఖ్యలో పాల్గొన్నారు.
